ÇАК кунсенче Шăнкăртамра пурăнакан Э. Хуснетдиновсен хуçалăхĕнче тăр кăнтăрлах мунчаран тĕтĕм-сĕрĕм йăсăрланма, каярахпа вут-çулăм та явăнма пуçланă. Районти пушар надзорĕн инспекто- рĕсем çирĕплетнĕ тăрăх мунчари çутă проводисем шанчăклă пулманран тăруках хĕлхем унталла та кунталла сирпĕнсе хыпса илнĕ... Юрать-ха пăтăрмаха çийĕнчех асăрханă, пушара малалла алхасма паман. Сăмах май, кăçал çак ялта пĕрремĕш хут пушар тухнă. Районта вара "01" служба вырăна тухса парăнтарнă вун пиллĕкмĕш инкеке шута илнĕ.