Хаклӑ хӗрарӑмсем!

Сире пӗтӗм чунтан Анне кунӗ ячӗпе саламлатӑп!

Ҫак чаплӑ уяв – пирӗн хаклӑран та хаклӑ аннемӗрсене – хамӑра пурнӑҫ парнеленӗ чи ҫывӑх ҫыннӑмӑрсене чун-чӗререн юратнине тата хисепленине ӑшӑ та ҫепӗҫ сӑмахсем каласа палӑртма май туса паракан тепӗр лайӑх мел.

Мӗн авалтанпах анне сӑнарӗ юратупа тимлӗх тата ачашлӑх палли шутланать.

Анне – кашниншӗнех пурнӑҫра чи ҫывӑх ҫын. Ача амӑшӗ пуласси – хӗрарӑмӑн ҫутӑран та ҫутӑ ӗмӗчӗ-тӗллевӗ тата унпа пӗрлех ҫакӑ питӗ пысӑк яваплӑх та.

Эсир пепкесене пурнӑҫ пиллетӗр, вӗсене хӑвӑрӑн ачашлӑхӑра сав­са парнелетӗр, кил ӑшшипе унӑн хӑтлӑхне типтерлӗн упратӑр, ӑс-хакӑл пуянлӑхӗпе ырӑлӑх идеалӗсене тӗрӗс-тӗкел сыхласа упрас ӗҫе пысӑк тӳпе хыватӑр. Чӑваш Енпе Раҫҫей малашлӑхӗ – сирӗнте, мӗншӗн тесен шӑпах эсир вӗт ҫӗршывӑн тивӗҫлӗ гражданӗсене, чӑн-чӑн патриочӗсене пӑхса ҫитӗнтеретӗр.

Патшалӑх политики амӑшлӑхпа ачалӑх институтне пулӑшса пыма тӗллев лартать. Хӗрарӑмсем валли мӗнпур ӗҫ-хӗл сферинчех хӑйсен пултарулӑхне туллин уҫса памалли майсем туса парас, ачасен хальхи телейлӗ пурнӑҫне тата ырӑ малашлӑхне тивӗҫтерес тесе эпир хамӑртан мӗн килнине пӗтӗмпех тума тӑрӑшатпӑр. Социаллӑ пулӑшӑвӑн тӗрлӗ тӗсӗпе тивӗҫтересси йӗркеллӗн пурнӑҫланать, шкулсемпе ача сачӗсем ҫӗкленеҫҫӗ, медицина учрежденийӗсем ҫӗнелсе улшӑнаҫҫӗ.

Хаклӑ аннемӗрсем! Сире амӑшӗн ырми-канми те канӑҫсӑр ӗҫӗшӗн, чӑтӑмлӑхӑрпа иксӗлми вӑй-халӑршӑн тата ҫирӗп ӑсӑршӑн пысӑкран та пысӑк тав!

Сирӗн килӗрте яланах телей хуҫалантӑр, ачӑрсем сывлӑхлӑ пулч­чӑр, сире хӑйсен ҫитӗнӗвӗсемпе савӑнтарччӑр тата шанӑҫӑра тӳрре кӑ­ларччӑр! 

Чӑваш Республикин Пуҫлӑхӗ                          Михаил Игнатьев

Дорогие женщины!

От всего сердца поздравляю вас с Днем матери!

Этот замечательный праздник – еще одна возможность высказать самые искренние слова любви и уважения тем, кто подарил нам жизнь, – нашим дорогим мамам.

На протяжении веков образ матери является символом любви, чуткости и нежности.

Мама – самый родной человек в жизни каждого из нас. Материнство – высокое предназначение женщины и огромная ответственность.

Вы рожаете детей, щедро одаряете их материнской нежностью, оберегаете домашнее тепло и уют, вносите огромный вклад в сохранение духовных ценностей и идеалов добра. В ваших руках – будущее Чувашии и России, ведь именно вы воспитываете достойных граждан страны, настоящих патриотов.

Государственная политика направлена на поддержку института материнства и детства. Мы стараемся сделать всё, чтобы создать условия для полноценной самореализации женщин во всех сферах деятельности, обеспечить детям счастливое настоящее и достойное будущее. Оказываются различные виды социальной помощи, строятся школы и детские сады, обновляются медицинские учреждения.

Дорогие мамы! Огромное вам спасибо за самоотверженный материнский труд, терпение, силу и мудрость.

Пусть в ваших домах всегда царит счастье, а дети растут здоровыми, радуют вас своими успехами, оправдывают ваши лучшие надежды.

Глава Чувашской Республики                         Михаил Игнатьев

Официальный портал органов власти Чувашской Республики