Хаклӑ туссем, шкул ачисемпе студентсем,

ашшӗ-амӑшӗ, асламӑшӗ-кукамӑшӗ тата аслашшӗ-кукашшӗ,

воспитательсемпе педагогсем!

 Паян эпир сирӗнпе ҫулталӑкри тӗп уявсенчен пӗрне – Пӗлӳ кунне паллӑ тӑватпӑр!

Пирӗн 200 пин ытла ачамӑрсемпе мӑнукӑмӑрсем – вӗренекенсемпе студентсем – парта хушшине лараҫҫӗ. 16 пин арҫын ачапа хӗр ачашӑн вара авӑн уйӑхӗн 1-мӗшӗ уйрӑмах асра юлмалли кун пулса тӑрӗ – вӗсемшӗн шкулта пӗрремӗш шӑнкӑрав янӑрӗ, 11 пин ҫамрӑк хӑйсем суйласа илнӗ тата вӗсемшӗн ӑнӑҫлӑ малашлӑх пиллекен профессие ҫине тӑрса алла илме тытӑнать!

Камшӑнтӑр ҫӗнӗ вӗренӳ ҫулӗ аслӑ наука тӗнчине ярса пуснӑ пуҫламӑш утӑм пек асра юлӗ.

Темле пулсан та, ҫак вӑхӑт сирӗнтен кашнийӗншӗнех хӑвӑршӑн ҫӗннине уҫмалли, ҫӗнӗ пӗлӳпе ӑсталӑха тата хӑнӑхӑва ӑша хывмалли, тантӑшсемпе тата педагогсемпе хутшӑнса паллашмалли ытарми тапхӑр шутланать.

Ҫывӑх вӑхӑтрах сирӗн хушӑран тӗрлӗ сферӑра – вӗренӳпе тӗпчев ӗҫӗнче, общество ӗҫ-хӗлӗпе искусствӑра, ҫавӑн пекех спортра та тӑван Чӑваш Ене пӗтӗм ҫӗршывӗпе е тӗнчипех чапа кӑларакан хӑйне евӗр «ҫӑлтӑрсем» тухасси пирки иккӗленместӗп.

Ку енӗпе эпир сире пӗтӗм майпа пулӑшса тата хавхалантарса пырӑпӑр тата хамӑртан мӗн килнине пӗтӗмпех тума тӑрӑшӑпӑр.

Ҫакна эпӗ халиччен темиҫе хут та каланӑ, татах калатӑп. Вӗренӳ тӗп ҫул-йӗрсенчен пӗри пулнӑ та пулать те, вӑл Чӑваш Республикин экономика, технологи тата инноваци тӗлӗшӗнчи аталанӑвӗ ҫине тӳрремӗн витӗм кӳрекен отрасль шутланать.

Эпир хамӑрӑн вӗренӳ организацийӗсене ҫӗнетме, унта кашни вӗренекене пур енлӗн аталанма пулӑшакан ятарлӑ экотытӑм йӗркелеме, пӗлӳ ҫурчӗсене хальхи технологисемпе тата хатӗр-хӗтӗрпе тивӗҫтерме тӗллев палӑртрӑмӑр. Сӑмах хулари е ялти шкул пирки пыни те кунта пӗлтерӗшлех мар. Вӗсенчен кашнинчех вӗренӳ ӗҫӗ пахалӑхлӑ та юрӑхлӑ пулмалла.

Пирӗн паянах гуманитари тата цифра профильлӗ «Ӳсӗм вырӑнӗ» центрсем ӗҫлекен 82 ял шкулӗ пур. Вӗсене квадрокоптерсемпе, 3D-принтерсемпе, интерактивлӑ комплекссемпе тата пысӑк технологиллӗ ытти хатӗр-хӗтӗрпе пуянлатнӑ. Кӑҫал ҫавнашкал тата 61 центр уҫӑлмалла, ҫитес икӗ ҫулта – 128.

Хальхи шкул ачисемпе вӗренекенсем тата студентсем, ӳлӗмрен шӑпах эсир республикӑна малашлӑхалла илсе каятӑр, хӑвӑрӑн пулас ачӑрсемпе мӑнукӑрсем валли ӗҫлеме тата пурӑнма хӑтлӑ майсем йӗркелетӗр.

Сире пурсӑра та Пӗлӳ кунӗ ячӗпе саламлатӑп! Кӑткӑс, тӗл-тӗл чӑрмавлӑ, анчах та питӗ илӗртӳллӗ пӗлӳ ҫулӗпе сире ҫирӗппӗн утма, темле пулсан та лайӑх паллӑсем илме, интереслӗ те паллӑ пулӑмсемпе пуян пурнӑҫ сунатӑп!

Воспитательсемпе педагогсене – хавхалану, тухӑҫлӑ ӗҫ, профессире ҫӗнӗ ҫитӗнӳсем тума, ашшӗ-амӑшне, асламӑшӗ-кукамӑшне тата аслашшӗ-кукашшӗне вара – чӑтӑмлӑхпа ҫирӗп ӑс-хакӑл!

Чӑваш Республикин Пуҫлӑхӗ                                Олег Николаев

Дорогие друзья, школьники и студенты,

родители, бабушки и дедушки,

воспитатели и педагоги!

 Сегодня мы отмечаем, пожалуй, один из главных праздников в году – День знаний!

Более 200 тысяч наших детей и внуков - учащихся и студентов – сядут за парты. А для 16 тысяч мальчишек и девчонок 1 сентября станет особенным днём – для них прозвенит первый звонок в школе, 11 тысяч молодых людей начнут всерьёз осваивать выбранную ими профессию, которая определит их успешное будущее на годы вперед!

Для кого-то новый учебный год станет осознанным шагом в мир большой науки.

Но в любом случае для каждого из вас это время открытий, приобретения новых знаний, компетенций и опыта, знакомств, полезного общения со сверстниками и педагогами.

Не сомневаюсь, в ближайший год среди вас появятся и свои «звездочки», которые прославят родную Чувашию на всю страну или мир в самых разных областях и сферах – в обучении, в исследовательской или общественной деятельности, в искусстве или спорте.

В этом мы вас будем только поддерживать и поощрять, оказывать всю зависящую от нас помощь и содействие.

Неоднократно говорил и повторю ещё раз. Образование было и остаётся одним из главных приоритетов, его по праву можно считать отраслью, напрямую влияющей на экономическое, технологическое и инновационное развитие Чувашской Республики.

Мы поставили амбициозную задачу - модернизировать наши образовательные организации, создать в них особую экосистему всестороннего развития каждого обучающегося, обеспечить их современными технологиями и оборудованием. И не важно, идёт ли речь о городской или сельской школе. В любой из них образование должно быть одинаково доступным и качественным.

Уже сегодня у нас есть 82 сельские школы, где открыты центры образования гуманитарного и цифрового профилей «Точка роста». Они оснащены квадрокоптерами, 3D-принтерами, интерактивными комплексами и другим высокотехнологичным оборудованием. В этом году будет открыт ещё 61 такой центр, а в ближайшие два года –128.

Сегодняшние школьники, учащиеся и студенты, завтра именно вы поведёте республику вперед, будете создавать комфортные условия для жизни и работы ваших будущих детей и внуков.

Поздравляю всех вас с Днём знаний! Желаю уверенно шагать по сложной, местами тернистой, но увлекательной дороге знаний, непременно отличных оценок, интересной и насыщенной событиями жизни! Воспитателям, педагогам – вдохновения, плодотворной работы, новых профессиональных находок и свершений, а родителям, бабушкам и дедушкам – терпения и мудрости!

Глава Чувашской Республики                                Олег Николаев